150

REGISTRES

DU BUREAU

[t54₉]

en ce faisant, octroyer à icelle ville lettres pateutes de declaration adressantes à la court de Parlement, par lesquelles il declaire qu'il ne veult et n'entend aucunement desroger aud. previllege de lad. Ville par luy confirmé, et declairer qu'il abolist et mect au neant l'estat et office de Contrerolleur des deniers commungs, dons et octroiz de lad. Ville, obtenu par Robert de Beauvais, nonobstant l'arrest provi-sional par luy obtenu en lad. Court, el qu'il veult et entend que le Greffier de lad. Ville soit Greffier et Contrerolleur, comme ont esté par cy devant les autres Greffiers d'icelle Ville; et que, s'il veult que lesd, estatz soient separez, en ce cas sera tenu led. Greffier s'en desmectre à personne capable que led. Perdrier chosira, qui cn sera pourveu par lesd. Prevost des Marchans et Eschevins, suyvant leurs-dictz previlleges, par commission et non en tiltre d'office.

LES GAIGES DU CONTROLLEUR DE LA VILLE CASUELLES SELON LE MERITE DU LABEUR ⁽¹¹.

Lequel n'aura nulz gages ordinaires, mais bien taxation, selon les labeurs qu'il prandra ès affaires qui surviendront des bastimens des fortiffications de lad. Ville, et non autrement. Et ou led. seigneur ne vouldroit octroyer lesd, lettres, à tout le moings évoquer la cause d'entre lad. Ville et led. de Beauvais en son Conseil Privé, et en retenir la congnoissance, actendu la diversité des arrestz du Privé Conseil, du Grant Conseil et de lad. court dc Parlement, et aussi s'adresser à Monseigneur le Connestable, Monseigneur de Guise, Cardinal de Guise, Chancellier et autres de Mess" du Conseil du Roy, et les prier ayder à lad. Ville à ce que les previlleiges d'icelle ne soient violez.

CLXVII [CXVI]. — [Le Prévôt des Marchands va en Cour avec un Echevin et le Greffier. — Arrêt du Conseil Privé touchant l'office de Controleur des deniers communs.]

24-28 janvier i54g. (Fol. 133 v°.)

Suyvant laquelle conclusion, mond. s^r le Prevost des Marchans, sire Guichart Courtin, Eschevin, et m° Pierre Perdrier, Greffier de lad. Ville, sont partiz dc Paris, le xxiin" jour de Janvier ensuivant, pour aller remonstrer au Roy et à Mess" de son Privé Conseil le contenu cy dessus, et l'ont trouvé à Sainct Germain en Laye. A esté mondict s^r le Prevost des Marchans oy aud. Conseil Privé, où il a faict bien amples remonstrances, ainsi que par lad. deliberation avoit esté advisé.

Et le xxviu^e Janvier ensuivant, [fut] donné arrest dud. Conseil, duquel la teneur ensuit:

Arrest du conseil privé. " Aujourd'huy, xxvm^c jour de Janvier mil v^c xlviii , sur la requeste faicte au Conseil Privé du Roy par les Prevost des Marchans, Eschevins et Conseillers de la ville de Paris, à l'encontre de m° Robert de Beauvais, Contrerolleur des deniers patrimoniaulx commungs, dons et octroiz de lad. Ville, tendant à ce que la provision faicte aud. de Beauvais dud. Contrerollé feust declairee nulle, et en cela estre entrelenuz en leurs previlleiges, et autres moyens par eulx alléguez, nonobstant certain arrest provi-

sional par led. de Beauvais obtenu sur ce en la court de Parlement à Paris, le xv⁰ jour de cc present moys;

"Le Conseil, les parties oyes, sans avoir esgard à lad. requeste dud. Prevost des Marchans, Eschevins et Conseillers d'icelle Ville, a ordonné qu'ilz se retireront en lad. Court, où la matiere est pendant, pour y proceder ainsi que de raison ; et neantmoings que au bout de cc present arrest sera inscript certaine declaration faicte par led. de Beauvais aud. Conseil, qui est qu'il se contante de semblables gaiges et sallaires que m* Pierre Perdrier a euz cy devant, exerceant led. estat de Contrerolleur, et aussi qu'il ne demande ne entend avoir aucune chose du Contrerollé qu'il fera des rentes qui se constituront pour le payement de la soulde de cinquante mil hommes de pied, et autres deniers extraordinaires qui se payeront en lad. Ville, pour servir ausdictz Prevost, Eschevins et Conseillers ce que de raison.

"Faict au Conseil Privé, les an et jour que dessus."

Signé : "DE L'Aubespine."

O Ce tilre, inscrit à la marge du folio 133 v°, est d'une écriture plus récente quc le corps du Registre.